اصل خزانہ: پیسہ نہیں، محبت ہے

دنیا ہمیں بتاتی ہے کہ خوشی اور سکون پیسے میں ہیں۔ ہم محنت کرتے ہیں، کماتے ہیں، اور اکثر بھول جاتے ہیں کہ پیسہ ایک ذریعہ ہے، مقصد نہیں۔ بائبل ہمیں صاف کہتی ہے:
"پیسے کی محبت ہر طرح کی برائی کی جڑ ہے۔" (۱ تیموتھی 6:10)

یعنی پیسہ رکھنا جرم نہیں، لیکن جب پیسے سے محبت دل کی جگہ لے لے، تو انسان خدا سے محبت نہیں کر سکتا۔ Jesus Christ نے فرمایا کہ یہ اونٹ کا سوئی کے سراخ سے گزرنے جیسا مشکل ہے۔ جو دل پیسے پر ٹکا ہوا ہو، اسے روحانی ترقی اور سچائی تک پہنچنا بڑا مشکل ہے۔

عام انسانوں سے محبت بھی ضروری ہے، مگر یاد رکھیں، ہر انسان کامل نہیں، ہر دل صاف نہیں:
"اپنے دشمنوں سے محبت رکھو اور جو تمہیں نفرت کرتے ہیں اُن کے لیے دعا کرو۔" (متی 5:44)

حقیقی سکون اور رہنمائی وہی محبت دیتی ہے جو خدا کے راستے پر چلنے والے انسانوں میں ہے۔ وہ لوگ ایمان دار ہیں، خدمتگار ہیں، یا خدا کے راستے پر چلتے ہیں، اور ہمیں نیکی، سچائی اور روحانی طاقت کی رہنمائی دیتے ہیں:
"پس جس نے کہا کہ وہ خدا سے محبت کرتا ہے اور اپنے بھائی سے محبت نہ رکھے، وہ جھوٹا ہے۔" (۱ یوحنا 4:20)

خداوند نے یہ بھی سکھایا ہے کہ اپنا مال زمین پر جمع نہ کرو بلکہ آسمان میں جمع کرو، جہاں نہ کیڑا خراب کرتا ہے اور نہ زنگ لگتا ہے:
"اپنا خزانہ آسمان میں جمع کرو، جہاں نہ کیڑا خراب کرتا ہے اور نہ زنگ لگتا ہے۔" (متی 6:19-20)

اصل خوشی اور سکون دوسروں کی مدد کرنے میں ہے۔ اپنے مسیحی بہن بھائیوں کا خیال رکھیں، جو دکھی ہیں، بیمار ہیں، یا ضرورت مند ہیں۔ یاد رکھیں: چار دن کی زندگی ہے، سب کو مرنا ہے، سب اس دنیا سے جانا ہے۔ پیسہ آخر کس کام کا؟ اصل قیمت محبت، خدمت، اور دوسروں کی خوشی میں ہے۔

خلاصہ یہ ہے: پیسہ رکھو، لیکن پیسے سے محبت دل کا خدا نہ بننے دو۔ انسانوں سے نیکی سیکھو، اور مسیحی بہن بھائیوں کی مدد کر کے اپنی روح کو روشنی دو۔ یہ وہ محبت ہے جو دل کو بھر دیتی ہے اور خدا کی خوشنودی جیتتی ہے۔