HITSURA NG MAGIGING KULUNGAN NI REVILLA

Nasa 3,600 persons deprived of liberty (PDL) ang makakasama ni dating Senator Bong Revilla sa QC Jail building kung saan siya pansamantalang ikukulong.

Sa parehong piitan din dadalhin ang pito pa niyang kapuwa akusado sa umano’y ghost flood control project sa Bulacan.

Bago tuluyang isama sa ibang PDL ay kailangan muna raw isailalim si Revilla at ang iba pang mga akusado sa pitong araw na quarantine.

“May medical quarantine ho ang lahat eh. Hindi ho agad hinahalo. After assessment, titingnan po natin pero definitely hindi po puwedeng mag-isa sa isang selda. May makakasama siya,” sinabi ni BJMP spokesperson JSUPT Jayrex Bustinera.

Source: GMA News