کوئی ہوتا، جو میرا چھپ چھپ کے رونا دیکھتا
آرزو، اُمید، حـــــــــــــــــــــرت کا جنازہ دیکھتا

سنگدل ہنستے رہے، میں نوحہ خوانی میں مگن
اور نیــــــــلا آســـــــماں تھا یہ تمــــــاشا دیکھتا

خـــــالِقِ ارض و ســــــما نزدیک ہوتا جو کہیں
تب یقیناً اپنی دنیـــــــــــــــــــــا کا اُجڑنا دیکھتا

دار پر ابنِ خدا نے جب کہا "پیاسا ہوں" میں
کاش اُس دَم کوئی دریا کا تڑپنـــــــا دیکھتا

ہر کسی کو اپنی اپنی ہی پڑی تھی جان کی
کون دُنیا کے جھمیلوں میں مُجھے آ دیکھتا؟

یوں تو بس پردہ ہے یہ حُسنِ ازل کا کائنات
آگہی جس کو ہے، وہ جلوے پہ جلوا دیکھتا

(جَون بشیر ابنِ صلیبیؔ)