Psalms 101:3-5 sa buhay kong ito ang gawang masama'y di ko tutulutan. Ang sinumang taong gawai'y masama, di ko sasamahan, di ko papansinin kung sinuman siyang ang Diyos ay kalaban. Aking sisikapin na ang masunod ko'y ang gawaing tapat; maging sa isipan di ko iisipin ang gawang di tumpak. Siyang naninira ng kanyang kapwa'y aking wawasakin; di ko papayagan ang mapagmalaking hambog kung tumingin.

Song of Solomon 5:7-8 Ang mahal ko ay hinanap, di tumigil, di naglubay, hanggang ako ay mahuli, mga tanod nitong bayan. Hinagupit nila ako, walang awang sinugatan, balabal ko ay hinatak, pinunit pa at ginutay. Mga dilag ng Jerusalem, ipangako ninyo sa akin kung mahal ko ay makita sa kanya sana'y sabihin, “Iyong sinta'y nanghihina, pag-ibig mo'y hanap niya.”

Ang pag ibig ng Diyos kailanman ay Hindi mawawala Ang Diyos ay laging tapat sakaniyang pangako. Mananatili Ang pag ibig ng Diyos saatin Hindi mawawala Ang kabutihan ng Panginoon maasahan at mapanghahawakan Ang kaniyang pangako, at kaniyang mga Salita tandaan po natin mga Kapatid nandiyan si Lord na nagiingat saatin sa mga masasama Hindi hahayaan ng Diyos na ika'y mabuwal Hindi niya hahayaan na masaktan ka Hindi niya hahayaan na mapahamak ka Hindi niya hahayaan na mawala ka sakaniya.

Lagi po Tayong binabantayan ng Diyos mula sa langit lagi siyang handa na tumulong sa lahat ng tao, at bawat pangangailangan ng kaniyang mga Anak ay binibigay niya. Tandaan mo Kapatid Hindi Tayo iiwan ng Diyos sa bawat pagkadapa natin sa problema I aangat ka ng Diyos kapag ramdam mo na mag isa ka nalang at walang nakakaunawa Sayo, si Lord nauunawaan ka niya yayakapin ka ng Diyos sakaniyang pag ibig at Hindi ka niya pababayaan, Hindi ka pakakawalan ng Diyos sa pag ibig niya dahil ganyan niya po Tayo kamahal.

John 15:12-19 Ito ang aking utos: magmahalan kayo gaya ng pagmamahal ko sa inyo. Walang pag-ibig na hihigit pa kaysa pag-ibig ng isang taong nag-aalay ng kanyang buhay para sa kanyang mga kaibigan. Kayo'y mga kaibigan ko kung tinutupad ninyo ang aking mga utos.

Hindi ko na kayo itinuturing na mga alipin, sapagkat hindi alam ng alipin ang ginagawa ng kanyang panginoon. Sa halip, itinuring ko kayong mga kaibigan, sapagkat sinabi ko sa inyo ang lahat ng narinig ko sa aking Ama. Hindi ninyo ako pinili, kayo ang pinili ko. Pinili ko kayo upang kayo'y magbunga at manatili ang inyong bunga upang ang anumang hingin ninyo sa Ama, sa aking pangalan, ay ibibigay sa inyo.

Ito nga ang utos ko sa inyo: magmahalan kayo.” “Kung napopoot sa inyo ang sanlibutan, alalahanin ninyong ako muna ang kinapootan nila bago kayo. Kung kayo'y taga-sanlibutan, mamahalin nila kayo, sapagkat kayo'y kabilang sa kanila. Hindi kayo taga-sanlibutan. Sila'y napopoot sa inyo dahil pinili ko kayo.