Reflection ko sa today's preaching ni Pastor Bong Saquing ng Christ's Commission Fellowship. 🙏 8.02.2026 Habang pinapakinggan ko ang preaching, napaisip ako. Madalas kasi naiisip ko, "Lord, baka hindi naman ako sapat." Pero na-realize ko na baka mali ang tanong ko. Hindi pala ang tanong ay "Extraordinary ba ako?" kundi "Willing ba akong gamitin ng Diyos?" Hindi naman pala kailangan na maging extraordinary para magamit ng Diyos. Hindi rin kailangan na marami ka nang achievements o impressive ang resume mo. Ang mas importante pala ay ang puso na handang sumunod at magtiwala sa Kanya. Napaisip ako na karamihan sa mga taong ginamit ng Diyos sa Bible ay ordinaryong tao rin. Pero dahil willing silang magpasakop sa Kanya, gumawa ang Diyos ng mga bagay na hindi nila kayang gawin sa sarili nilang lakas. Isa itong paalala sa akin na hindi ko kailangang hintayin na maging "enough" bago magsimula. Ang kailangan ko lang ay maging available at willing. Kapag ibinigay natin ang ordinaryong buhay natin sa isang extraordinary God, Siya na ang bahalang gumawa ng extraordinary na mga bagay. Hindi ko man alam kung saan ako dadalhin ng Diyos, pero gusto kong manatiling may pusong handang sumunod sa Kanya. Dahil naniniwala ako na ang Diyos ay hindi naghahanap ng perpektong tao—naghahanap Siya ng pusong willing magtiwala at maglingkod. "God is not looking for extraordinary people. He's looking for willing hearts." 🩷